د حماس اسلامي غورځنګ پوځي څانګې «کتائب القسام» خبر ورکړی، چې ځواکونو یې د غزې ښار په ختیځ التفاح سیمه کې د صهیونیستي رژیم پوځیان هدف ګرځولي دي.
د خبر له مخې، القسام ځواکونو التفاح سیمه کې د صهیونیستي پوځ یو عراده «مرکاوا ۴» زغرهوال ټانک د «یاسین ۱۰۵» راکټ په وسیله په نښه کړی او له منځه یې وړی دی.
سرچینه زیاتوي، القسام ځواکونو ورته مهال پر صهیونیستي پیاده ځواکونو بمي برید کړی، چې په ترڅ کې یې ګڼ شمېر صهیونیستي پوځيانو ته مرګژوبله اوښتې ده.
د یادونې وړ ده چې، په دې وروستیو کې غزه کې پر صهیونیستي پوځيانو القسام او سرایا القدس ځواکونو بریدونه د پام وړ ډېر شوي دي.