د سوریې د بهرنیو چارو وزارت په يوه خبرپاڼه کې ويلي چې، د سوریې بهرنیو چارو وزیر اسعد الشیباني په لومړي ځل بغداد ته په رسمي سفر تللی او هلته یې له خپل عراقي سیال فؤاد حسین او نورو حکومتي چارواکو سره لیدلي دي.
د خبرپاڼې پر بنسټ الشيباني او عراقي چارواکو په دې لیدنو کې په اقتصادي، امنیتي او یو شمېر نورو برخو بحث کړی او د دواړو هېوادونو ترمنځ یې په ګډه همکارۍ ټينګار کړی دی.
د يادونې وړ ده چې، په سوريه کې د تحريرالشام غورځنګ له واک ته رسېدو وروسته عراق ته د دغه هېواد د بهرنيو چارو وزير دا لومړی سفر دی.