د پاکستاني طالبانو غورځنګ مشرتابه پرېکړه کړې چې د کوچني اختر په مناسبت به د پاکستان د خلکو د خوښۍ لپاره درې ورځنی اوربند وي.
د یاد غورځنګ ویاند محمد خراساني په یوه خبرپاڼه کې د پاکستان په ټولو محاذونو کې پر خپلو ځواکونو غږ کړی چې باید د روژې میاشتې وروستۍ ورځ د کوچني اختر په لومړۍ او دوهمه ورځ هیڅ ډول اقدام ونه کړي.
ښاغلي خراساني وړاندې خپلو ځواکونو ته سپارښتنه کړې چې که « دښمن اقدام وکړي، باید له ځانه دفاع وکړي.»
یاده دې وي چې د پاکستاني طالبانو غورځنګ دا مهال د پاکستان په لویو او وړو ښارونو کې فعال حضور لري.