لومړۍ برخه(۱)
د افغانستان په تاریخ کې داسې خلک تېر شوي، چې په نورو یې خپل ځان او یو څو ارزښتونه خرڅ کړي وو، خو دا چاره بیا د دوی له سقوط یا له منځه تللو ور هاخوا نه ده پاتې، خو د شر او فساد ډله د یو اوښتون او پردي یرغلګرو له شړل کېدو او ختمېدو سره سم بل یرغل ته زمینه سازي وکړه او خپلې ټولې ملیشې یې په صف کې سم سیده ور ودرول.
دوی خپل تاریخ له لومړۍ ورځې د پردیو د ګټو لپاره د وطن په ویجاړۍ او خرڅلاؤ پیل کړی دی، راځئ د دوی تاریخ ته ځغلنده نظر وکړو!
د شر او فساد ډلې مؤسس احمدشاه مسعود:
احمدشاه مسعود خپلې لومړنۍ زده کړې، د پنجشیر په دره کې پیل کړې، چې وروسته بیا د کابل د استقلال په لېسه کې خپلو لومړنیو زده کړو ته ادامه او پای ورکړ، هغه وخت استقلال لېسه د فرانسې نصاب او بشپړې حمایې لاندې وه، چې نوموړی هغوی په داسې روحیه وروزلو چې له هر څه باید ډېر وفاداري په هېواد کې د پرانسې او د هغوی د متحدینو ګټو ته وښایي.
نوموړي له استقلال لېسې پول تخنیک پوهنتون ته لاړ او په وطن کې د اړ او دوړ سره له هغه ځایه د پاکستان پر لور رهي شو، چې په پېښور کې یې د پاکستان د استخباراتو (ISI) لخوا حمایه کېدونکو کمپونو کې نظامي روزنه ترلاسه کړه؛ په دې کمپونو کې د وسلو او جګړې مختلف تاکتیکونه تدریس کېدل، او پاکستاني استخباراتو د دې مقاومت ملاتړ او لارښوونه کوله.
پاکستاني استخباراتو له همدې کمپونو، احمدشاه مسعود مکار او فریبګر شخصیت د کاذب تبلیغاتو پر مټ وپړسولو او له یو غلام صفته سړي یې شمشیر جوړ کړ، هغوی د افغان مهاجرو په کمپونو کې د ده له عکسونو سره عجیب او غریب شعارونه لګولي وو، چې په دې عکسو یې دېوالونه او د ریکشاوو شاګانې لړلې وې؛ د دې تر څنګ غربيانو هم خپله میډیا د دوی لپاره وقف کړې وه، ځکه احمدشاه مسعود یواځنی سړی وو، چې د غرب او شرق دواړو ګټو ته ژمن او ژر اماده کېدونکی و.
غرب د ده ساتنه د دې لپاره کوله، چې د نوموړي پر مټ د افغانستان خاوره په هر وخت او زمان کې ناامنه کولی شوه، چې غرب په دې ناامنیو کې خپلې ګټې لرلې.
د کمونېزم او کپټلېزم جګړه د اروپا او شوروي پرځای په افغانستان کې کېدله، چې ګټې یې دواړو لوریو ته رسیدلې، همدا لامل وو چې له احمدشاه مسعود سره شوروي هم تړونونه لرل، چې د هغې تړنونو له جملې د شوروي ځواکونو د لویو لارو امنیت ساتل وو.
د دې تر څنګ د پنجشیر په دره کې د بې جلبه لنډه غرو د زمردو په معدنونو چور او چپاول وو، چې په هر چا یې په ارزانه او کمه بیه خرڅول او هر طرف دا هڅه کوله چې له احمدشاه مسعود سره نږدې اړیکي وساتي، تر څو ډېره ګټه ترې تر لاسه کړي.
احمدشاه مسعود یواځې په پنجشېر بسنه ونکړه او د بدخشان د لاجوردو په چور یې هم پیل وکړو، چې له پاکستان به چورلکې راتللې او له دې قیمتي ډبرو بار به بیرته ستنېدې.
احمد شاه مسعود د شوروي تاړاک له ماتې او شړل کېدو وروسته د یو واحد قیادت د حاکمېدلو برعکس د جګړې یو نوی پړاؤ خلاص کړ او جګړې یې د قومګرایۍ اړخ ته بدل کړ؛ نوموړی چې یو افراطي نشنلیسټ و، د پښتنو د ځپلو تر څنګ یې نور قومونه هم تر خپلو وحشتونو لاندې ونیول.
د احمدشاه مسعود بې جلبه پکولي لنډه غرو د کابل په ښار کې عامه وګړي په دې وژل چې ولې یې پوزې پیتي/چیتې دي!؟ له خلکو به یې سرونه پرې کړل او ستونی به یې په ګرمو غوړیو کې غوپه کول تر څو په وجود کې یې ساه د څو شېبو لپاره تم شي او تنه یې ټوپکې ووهي، دوی به دېته د «رقص مرده» نوم ورکاوه او له دې به یې خوند اخېست.
دا شېبې کټ مټ هغې ته ورته وې، لکه په صلیبي جګړو کې چې صلیبیانو بیت المقدس له څلور میاشتې محاصرې وروسته ونیوه او بیا یې د ماشومانو سرونه په تېږو ټکول او له دغه کار یې خوند اخیست، هماغسې د مسعود لنډه غرو هم د قتل شویو د تنو له ټوپونو خوند اخیست.
دوی د پنجشیر له غارګوټو راوتلیو درنده ګانو د کابل په خپل منځي جګړو کې اوویا زره بې ګناه افغانان تار او مار کړل.
له هغې وروسته د ناټوګۍ او امریکې په رابللو دوی د خپلو ګټو ملګري سره یوځای کړل، چې په هغې کې یې هم بیرته د پښتنو خلاف ځینې را وڅرخول لکه د فساد او بې عقلۍ سیمبول عبدالرشید دوستم په دشت لیله کې په پښتنو را وګرځولو او ۵ زره بې ګناه افغانان یې پرې ووژل او په سرونو یې میخونه ورټک وهل.
احمدشاه مسعود له دې ټولو وحشتونو وروسته بیا هم د پښیمانتیا احساس ونکړ، برعکس یې داسې ټولګی روزل شروع کړل، چې خپله له ده هم ډېر چالاک او په کم قېمت اخېستونکي عسکر شول.
ادامه لري…
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.