شېر کړئ Facebook Twitter بریښنالیک Telegram WhatsApp د مرکزي زون د غصب شویو امارتي ځمکو قضیو ته د رسیدګۍ اختصاصي محکمې د ننګرهار په سرهرود ولسوالۍ کې د «حاجي قدير ښارګوټي» په نامه د څه باندې ۱۲۳۲ جریبه ځمکې د سندونو او مدارکو له ارزونې وروسته پرېکړه کړې، چې یاده ټوله ځمکه امارتي ده.د عدلیې وزارت د یوې خبرپاڼې په خپرولو سره ویلي، چې یاده ځمکه د ننګرهار د سرهرود ولسوالۍ په فتح آباد او خیرآباد سیمو کې موقعیت لري.وزارت زیاته کړې، چې یادې اختصاصي محکمې د سندونو او مدارکو، املاکي دفاترو په دقیقې بررسۍ او له اړوندو ادارو څخه د متصرفینو د وړاندې شویو سندونو په هکله د معلوماتو په اخیستو سره، دا سندونه نامعتبره وبلل او پرېکړه یې وکړه چې تر دعوې لاندې ټوله ځمکه، چې په ۶ «کادستري» قطعو کې موقعیت لري، امارتي ده.خبرپاڼه کې وړاندې راغلي، چې د امارتي ځمکو له غصب څخه مخنیوی او د غصب شویو ځمکو استرداد د ا.ا له اساسي موخو څخه ده، چې د ځمکو له غصب څخه د مخنیوي او د غصب شویو ځمکو د استرداد کمېسیون په همدې موخه رامنځته شوی دی.یاد کمېسیون مسؤولیت لري ترڅو امارتي (سلطاني)، عامه غصب شوې ځمکې له غاصبینو او زورواکو څخه استرداد کړي او دا بهیر د افغانستان په ټولو ولایتونو کې په چټکۍ سره دوام لري.د یادونې وړ ده، چې د سرپرست حکومت له بیا ځل حاکمیت وروسته غاصبینو او زوراکو له خوا غصب شوې لسګونه زره جریبه ځمکې بېرته راګرځول شوې دي.
تلویزیون دولتی ایران گزارش داده است که نیروهای ایرانی تا چند لحظهٔ دیگر در واکنش به حملات تازهٔ رژیم صهیونیستی، حملات بسیار شدید و ویرانگر را بر این رژیم آغاز خواهند کرد.14 جون 2025
د امربالمعروف او نهې عن المنکر وزارت وزير شيخ محمد خالد حنفي: اسلام په شخصي حريم د تېرې اجازه نه ورکوي، محتسبين دې له اجازې پرته د چا موبايل او جېب نه ګوري3 جون 2025
