د ۲۱۵ عزم قول اردو مطبوعاتي دفتر خبر ورکړی، چې د ملي دفاع وزارت تخنيکي او مرستندويه ټيمونو د هلمند ولايت په کجکي ولسوالۍ کی ژورې څاه ته لويدلی دوه کلن ماشوم ژغورلی.
د یادې قول اردو د تخنیکي ټیم مشر عبدالله ویلي، چي د ياد ماشوم روغتيايي حالت د ډاډ وړ دی؛ خو د لا ښې درملني په موخه د سيمي اړونده روغتيايي مرکز ته لېږدول شوی دی.
د يادونې وړ ده، چي اسلامي ملي اردو ځواکونو تر دې وړاندې هم په هلمند او څېرمه ولایتونو کې د ورته پېښو پرمهال پر وخت رسېدنه کړې.