د کلش رپورټ رسنۍ د راپور له مخې، د امریکا ولسمشر ډونالډ ټرمپ او د روسیې ولسمشر ولادیمیر پوتين په ټيليفون ۹۰ دقیقې مکالمه ترسره کړې ده.
د دوی ترمنځ په دې ټيليفوني خبرو کې د اوکراین او منځني ختیځ په موضوعاتو او د امریکا او روسیې د اړیکو په اړه بحثونه او خبرې شوي او دغه راز د دواړو مشرانو ترمنځ د لیدنې مواففه شوې او پوتین، ټرمپ مسکو ته وربللی.
پوتین د اوکراین د شخړې د اصلي لاملونو په حل ټینګار کړی او ټرمپ په اوکراین کې د شخړې د پای ته رسولو غوښتنه کړې؛ په دې سربېره په دې ۹۰ دقیقې مکالمه کې په اقتصادي اړیکو، د بندیانو پر تبادلې او ډېپلوماټیکو لیدنو هم بحث شوی دی.