راپورونه وایي، افغان او هندي چارواکو پرېکړه کړې، چې د سوداګریزو اړیکو د پیاوړتیا په موخه په کابل او نوي ډیلي کې د دواړو هېوادونو په سفارتونو کې ځانګړي سوداګریزې اتشې وګوماري.
ویل شوي، دغه پرېکړه د هند د بهرنیو چارو وزیر جي شنکر او د افغانستان د صنعت او سوداګرۍ وزیر نورالدین عزیزي، ترمنځ د لیدنې پر مهال شوې ده.
د هندوستان په بهرنیو چارو وزارت کې د افغانستان، پاکستان او ایران برخې مسئول، آنند پرکاش ویلي، چې افغانستان به ډېر ژر خپله سوداګریزه اتشه نوي ډیلي ته ور ولېږي.