د خوست امنیه قومندانۍ مطبوعاتي دفتر په یوه خبرپاڼه کې ویلي چې، د یاد ولایت د قلندر ولسوالۍ امنیتي منسوبینو هغه پنځه کسان نیولي، چې د دې ولسوالۍ په جلا-جلا سیمو کې يې د شپې مهال ۴۷ د جلغوزیو ونې د برقي ماشین او تبرګیو په واسطه پرې کړې وې.
د سرچینې په وینا، يادې ونې د شخصي تربګنيو له امله پرې شوې.
د خوست امنیه قومندانۍ په خبرپاڼه کې وړاندې راغلي چې، نیول شوي کسان به له خپلې اړوندې دوسیې سره یو ځای عدلي او قضایي ارګانونو ته وسپارل شي.