کورنیو چارو وزارت وایي، د فراه امنیه قومندانۍ جنایي جرمونو سره د مبارزې مدیریت منسوبینو په فراه ښار کې څلور وسله وال او حرفوي غله له یو کور او دوو دکانونو څخه د ۶۵۰ زره افغانیو د غلا په تړاو نیولي دي.
د یاد وزارت په وینا، د غلو یادې ډلې په فراه ښار کې په وسله والو غلاوو لاس پورې کاوه، چې امنیتي ځواکونو د پلټونکي عملیاتو پر مهال نیولي دي.
د سرچینې د معلوماتو له مخې، له یادو غلو څخه دوه میله وسله، یو عراده موټر، دوه موټرسایکلونه، څلور مبایلونو، یوه چاړه او یوه اندازه نغدې پیسې هم ترلاسه شوي دي.