د سرحدونو قومونو او قبایلو چارو وزارت وایي، د بلخ ولايت دسرحدونو، قومونو او قبایلو چارو رياست د مسؤلينو او ځايي قومي مشرانو په منځګړيتوب دياد ولايت په چهارکنت ولسوالۍ کې د ځمکې پر سر راپورته شوې پنځه کلنه او دولت آباد ولسوالۍ کې د ميراث په سر درې کلنه شخړه هواره شوې.
د یاد وزارت په وینا، د دغه دواړو شخړو پر مهال ښکېلو اړخونو ته د ژور تاو تريخوالي ترڅنګ لوی تاوانونه هم رسېدلي وو.
د يادو کورنيو مشرانو د سرپرست حکومت له مسؤلينو مننه کړې چې د ولسونو هرې لويې او وړې ستونزې ته رسيدګي کوي. دوی ژمنه کړې چې په راتلونکي کې به هيڅ ډول جنجالونه نه جوړوي بلکې د ورورولۍ او خپلوۍ ژوند ته به ادامه ورکوي.
د یادونې وړ ده چې د سرپرست حکومت له بیا ځل واکمنېدو وروسته هېواد کې د ټولنیز خوندي تابه په موخه د لسګونه کالو پخوانۍ دښمنۍ په دوستۍ بدلې شوي دي.