د کډوالو ستونزو ته د رسېدنې عالي کمېسیون ویلي، تېره ورځ (سه شنبه) ۴۲۶ کډوالې کورنۍ چې د غړو شمېر یې دوه زره او ۴۶۶ تنه کېږي د سپین بولدک، تورخم، بهرامچې، ورېښمو پل او اسلامکلا له لارو هېواد ته راستنې شوې دي.
یاد کمېسیون ویلي، تېره ورځ ۳۱۳ کورنۍ په خوندي ډول بېلابېلو ولایتونو ته لېږدول شوي او ۱۸۴ کورنیو سره نغدي مرسته شوې ده.
د یاد کمېسیون د شمېرو له مخې دې موده کې راستنو شویو کډوالو ته ۴۴۲ عدده سیمکارټونه، چې وړیا دقیقې او انټرنېټي بستې هم پکې فعاله وې، وېشل شوي دي.