د جرمني د بهرنیو چارو وزیر، یوهان وادفول په اوکراین کې د اوربند په تړاو روانو مذاکراتو ته په اشارې ویلي، چې لویدیځ او په ځانګړي ډول امریکا دې اوکراین ته پیاوړی امنیتي ضمانت ورکړی.
نوموړي په تازه مرکه کې ویلي، دا باید روښانه وي، چې که بیا پر اوکراین برید کېږي یو څوک باید وي چې له دغه هېواد سره ودرېږي.
دجرمني د بهرنیو چارو وزیر ویلي، اوکراین هغه مهال کولای شي چې روسیې ته د سیمو د پرېښودو په ګډون امتیازات ورکړي، چې تر شا یې پیاوړی امنیتي ضمانت شتون ولري.