د خوست ولایت امنیتي چارواکو ويلي چې منګل د طلا خان زوی او د هغه دوه زامن، حفیظ الله او احمد، چې د یوې کورنۍ د ۱۳ غړو د وژنې اصلي عاملین وو، نیول شوي دي.
هندوکشغږ ته سرچینو ویلي چې دغه کسان په اصل کې د پکتیا ولایت د سید کرم ولسوالۍ دي او اوس مهال د خوست په علیشیرو ولسوالۍ کې اوسېدل.
بلخوا د خوست د امنيه قوماندانۍ د وياند طاهر احرار په وینا، دا درې کسان د اووه شکمنو کسانو په منځ کې پېژندل شوي او نیول شوي دي، او د لومړنیو څېړنو په ترڅ کې یې په خپل جرم اعتراف کړی دی.
د يادونې وړ ده چې دا زړه بوږنوونکې وژنه تېره اونۍ د خوست په علیشیرو ولسوالۍ کې وشوه چې د یوې کورنۍ ۱۳ غړي، چې ښځې او ماشومان هم پکې شامل وو، په ډزو ووژل شول.