د احصايې او معلوماتو ملي اداره وایي چې، د تېر کال په اوږدو کې یې د هوايي ډګرونو او ځمکنيو بندرونو له لارې هېواد ته د ۳۴ زره او ۴۱۱ بهرنیو وګړو تګ راتګ ثبت کړی دی.
د احصايې او معلوماتو ملي ادارې خبرپاڼه کې راغلي، ثبت شوي ارقام ښيي، چې د تېر کال په اوږدو کې د ۵۱۸ ښځینه وو په ګډون ۱۸ زره او ۸۴۶ بهرني وګړي افغانستان ته راغلي او د ۳۸۲ ښځینهوو په ګډون، ۱۵ زره او ۵۶۵ نور له هېواده وتلي دي.
د دې ادارې د ثبت شوو ارقامو پر بنسټ، د بهرنیو وګړو تر ټولو ډېر تګ راتګ د نیمروز ولایت له بندره، د هرات له هوايي ډګر او بندرونو او د تورخم او حیرتان بندرونو له لارې ثبت شوی دی.
