د سوریې د نوي حکومت رسمي پاڼې ليکلي، چې د افغانستان اسلامي امارت رئيس الوزراء ملا محمد حسن اخند د سوريې نوي حکومت مشر احمد الشرع ته د مبارکۍ پیغام ورلېږلی او په چارو کي يې د توفيق او بريا دعا ورته کړې ده.
يادې پاڼې دغه راز ليکلي، چې ښاغلي ملا محمد حسن اخند احمدالشرع ته سوريه کې د ستونزو د پای ته رسولو او نېکمرغۍ هيله څرګنده کړې ده.
د افغان حکومت رئيس الوزراء همدا راز ويلي، چې د سوریې او افغانستان ترمنځ د ورورګلوۍ اړيکې دې لا پراخې او د دواړو ولسونو د ګټو لپاره دې کار وشي.