د امربالمعروف، نهي عن المنکر او د شکایتونو اورېدلو وزارت وايي، په کندهار کې د ملت غږ راډیو خبریال د اخلاقي فساد په جرم نیول شوی دی.
یاد وزارت پر خپلې اېکسپاڼه همدومره لیکلي: په کندهار کې د ملت غږ راډیو خبریال محمد ابراهیم”محتاج”د نیونې په اړه: نوموړی د کومې رسنیزې تخطۍ په وجه نه، بلکې د بالفعل اخلاقي فساد په جرم نیول شوی دی.
پینځه ورځې وړاندې په کندهار کې د امربالمعروف، نهي عن المنکر او د شکایتونو اورېدلو وزارت لوري د ملت غږ راډیو خبریال او د خپرونو مسوول محمد ابراهیم محتاج نیولی و؛ خو د نوموړي د نیول کېدو په اړه څه نه و ویل شوي.
د محمد ابراهیم محتاج سربېره د دې راډیو ځینې نور کارکوونکي هم نیول شوي وو، چې نور یې راخوشې شول، خو محتاج تر اوسه په بند کې دی.