د کاپیسا ولایت امنیې قومندانۍ چارواکي وایي، چې د دغه ولایت په “الهسای” ولسوالۍ کې د یوه ټونس ډوله موټر د چپه کېدو له امله د یوې مېرمنې په ګډون ۴ تنه مړه شوي او ۶ تنه نور ټپیان شوي دي.
د کاپيسا امنیې قومندانۍ رسنیز دفتر وایي، چې دغه پېښه تېره ورځ مازیګر مهال رامنځته شوې ده.
مسولین وایي، چې ټپیان د درملنې په موخه روغتون ته په وخت رسول شوي دي او تر درملنې لاندې دي.
بل لور ته له فراه ولایت ځایي مسولین وایي، چې په دې ولایت کې هم یو تن د ترافیکې پیښې له امله مړ شوی دی.
بل لور ته له غور ولایت ځایي مسولین وایي، چې په دې ولایت کې هم یو تن د ترافیکي پیښې له امله مړ شوی دی.
مسولینو زیاته کړې، چې دغه پېښه د غور ولایت په دولتیار ولسوالۍ “شنینیه” سیمه کې هغه مهال رامنځ ته شوه، چې د هریرود سیند ته یوه بابري رکشه ولویده.
د ترافیکي پېښو له امله دې وروستیو کې ډېری افغانانو ته مرګ – ژوبله اوړي، چې مسوولین یې عمده لامل د لارو خرابوالی او د موټر چلوونکو بې غوري بولي.