د سټنډرډ ملي اداره وايي، د حیرتان بندر ل هلارې ۲۱ ټنه او ۲۰۰ کیلوگرامه بېکیفیته مایع گاز بېرته ورگرځول شوی دی.
له یادې ادارې څخه په خپره شوې خبرپاڼه کې یل شوي، د حيرتان بندر له لارې ١ ټانکر مایع گاز چې وزن يې (٢١ ټنه او ٢٠٠ کیلو گرامه) و او کیفیت یې د سټنډرډونو سره په ټکر کې و، هېواد ته یې دننه کېدو مخه ونیول شوه.
په خپرپاڼه کې له ټولو ملي سوداگرو غوښتل شوي، چې هېواد ته د بېکیفیته نفتي توکو له راوړلو څخه ډډه وکړي، څو له ورته چلند سره مخ نهشي.
همدارنگه یادې ادارې ویلي، د ټولو په ټولو بندرونو کې د نفتي توکو د څار بهیر روان دی او هغه توکي نه راپرېږدي چې کیفیت یې خراب وي.: «د سټنډرډ ملي اداره د هېواد د بندرونو په کنټرولولو سره د ټیټ کیفیت نفتي موادو د ننوتلو مخه نیولې او هڅه کوي چې د خپلو گرانو هېوادوالو د روغتیا او خوندیتوب او د مصرف کوونکو د گټو د تامین لپاره د بې کیفیته توکو مخه ونیسي.»
یادې ادارې ویلي، پرو سږکال یې یوازې د کب په میاشت کې د ټولو بندرونو له لارې په ټولیزه توگه (۸۳۸۰) ټانکره نفتي توکي چې وزن یې (۲۸۴۷۸۳.۲۴۴) ټنه کېږي، تثبیت کیفیت شوي چې ددې له جملې څخه (۱۳۴) ټانکره چې ټوليز وزن يې(۴۱۰۲.۱۸) ټنه کېږي، د سټنډرډونو خلاف تثبیت شوي دي.