د سوریې د ولسمشرۍ رياست په يوه خبرپاڼه کې ويلي چې د سوریې ولسمشر د ۲۰۲۵م کال د ۵م فرمان له مخې، د دغه هېواد لپاره د ملي امنیت شورا جوړولو پرېکړه کړې، چې موخه یې د ملي امنیت پیاوړتیا، د امنیتي او سیاسي ننګونو پر وړاندې مبارزه او د دولتي ادارو ترمنځ همغږي ښودل شوې ده.
د معلوماتو له مخې دا شورا به د ولسمشر په مشرۍ فعالیت کوي او د استخباراتو رئیس، بهرنیو چارو، د دفاع او د کورنیو چارو وزیران به یې غړي وي.
دغه راز به د يادې شورا غونډې په منظمه توګه د ولسمشر په غوښتنه ترسره کېږي او پرېکړې به د مشورې له لارې کیږي.