د مخابراتو او معلوماتي ټکنالوجۍ وزارت ویاند عنایت الله الکوزي په یوه خبرپاڼه کې ویلي چې، هېواد کې د مخابراتي شرکتونو د سیمکارټونو د ثبت پروسې پر دوام کابو ۱۸ میلیونه سیمکارټونه په قانوني بڼه ثبت او راجسټر شوي دي.
د نوموړي په وینا، اوس مهال په ټول هېواد کې کابو ۲۶ میلیونه سیمکارټونه شتون لري، چې له ډلې یې ۱۸ میلیونه سیمکارټونه د طرزالعمل مطابق ثبت او د پاتې سیمکارټونو د ثبت پروسه هم په چټکۍ روانه ده.
ښاغلي الکوزي زیاته کړې ده چې، دغه لړۍ د ناقانونه سیمکارټونو د مخنیوي، د ولسي امنیت پیاوړتیا او د مخابراتي خدمتونو د تنظیم لپاره پیل شوې او د مخابراتو او معلوماتي ټکنالوژۍ وزارت پرې دوامداره او جدي څار لري.