د عربي رسنیو د راپورونو له مخې د مصر ولسمشر عبدالفتاح السیسي نن یکشنبه د خلیج هېوادونو دوره پیل کړه، چې قطر او کویټ ته رسمي سفرونه پکې شامل دي، ترڅو دوه اړخیزې اړیکې پیاوړې او د سیمې او نړیوالو مسایلو په اړه همغږي زیاته کړي.
راپورونه وایي، نوموړی به لومړی قطر او بیا کویټ ته لاړ شي، هلته به د یادو هېوادو له مشرانو سره د اقتصادي همکاریو او د غزې وضعیت، اوربند او د بیا رغونې هڅو په اړه هم بحث وکړي.
دغه دوره د مصر د هڅو برخه ده، چې د عربي همکارۍ او د سیمې امنیتي ننګونو په وړاندې ګډ دریځ پیاوړی کړي او د خلیجي هېوادونو لپاره د مصر ستراتیژیک رول وښيي.