د افغانستان اسلامي امارت د ترانسپورت او هوايي چلند وزارت د هوا پېژندنې ریاست د هېواد په ۲۶ ولایتونو کې د ورښتونو، تالندې او سېلابونو د پېښېدو وړاندوینه کړې ده.
یاد وزارت په یوه خپره کړې خبرپاڼه کې لیکلي چې؛ شنبه د تلې پر ۱۴ او سبا (یکشنبه) په بدخشان، نورستان، کونړ، لغمان، ننګرهار، پکتیا، خوست، لوګر، کابل، کاپیسا، بغلان، پنجشیر، پروان، سمنګان، میدانوردګ، غزني، بامیان، دایکندي، غور، بلخ، سرپل، فاریاب، بادغیس، هرات او فراه کې د ورښتونو اټکل شته.
په بېلابېلو ولایتونو کې د ورښت کچه د ۱۵ او ۴۵ مليمترو ترمنځ ښودل شوې ده، یادې ادارې په شمالي، لویدیځو، سوېلي او مرکزي ولایتونو کې د چټکو بادونو وړاندوینه هم کړې ده.
د دغو بادونو چټکوالی په ساعت کې د ۵۰ او ۸۰ کیلومترو ترمنځ ښودل شوی دی.