د لوړو زدهکړو وزارت ویاند حافظ ضياءالله هاشمي وايي ياد وزارت د هېواد د پوهنتونو د لابراتوارونو د بيا فعالولو لپاره د ٢٧٠ میلیونو افغانیو په ارزښت لابراتواري وسایل پېرلي دي.
د ښاغلي هاشمي په خبره لوړو زده کړو وزارت د ټولو اړوندو امارتي تحصیلي نهادونو د ښوونې او روزنې او ساینس پوهنځيو لپاره مجهز او په عصري وسایلو سمبال لابراتوارونو فعالولو په موخه، د لومړي ځل لپاره د (٢٧٠) میلیونو افغانیو په ارزښت لابراتواري وسایل وپېرل.
همدا راز ښاغلی هاشمي زياتوي چې په دغه لابراتواري وسایلو کې لوی او کوچني ماشینونه او د تجروبو لپاره کیمیاوي مواد شامل دي، چې ډېر ژر به تحصیلي نهادونو ته د استفادې په پار ولېږل شي، چې ورسره به په هر امارتي پوهنتون کې د محصلینو د عملي زده کړو لپاره مجهز لابراتوارونه فعال شي.