رویټرز خبري اژانس د ټایلنډ پوځ له قوله راپور ورکړی، چې په کمبودیا کې یې پراخ هوايي بریدونه پیل کړي دي.
سرچينې ويلي، دواړو هېوادونو یو بل له اوربند څخه پر سرغړونې تورن کړي او د جګړې د پيل مسوليت یې پر يوه بل اچولی.
د ټایلنډ پوځ رويټرز ته ويلي، چې له کمبودیا سره پر پوله دوو سیمو کې یې یو سرتېری وژل شوی او څلور نور ټپیان شوي، چې وروسته یې د کمبودیا دننه د پولو په اوږدو کې بمبارۍ پیل کړې دي.
ياده دې وي، چې ټرمپ او د مالیزیا لومړي وزیر په اکټوبر کې د دواړو هیوادونو ترمنځ د اوربند منځګړیتوب کړی و.