د کار او ټولنیزو چارو وزارت ویاند، سمیع الله ابراهیمي ویلي چې هېواد کې تېر کال تر ۸۲ زره زیات کاري جوازونه وېشل شوي دي.
ښاغلي ابراهیمي زیاته کړې، چې له دې ډلې شپږ زره کاري جوازونه بهرنيو وګړو ته او پاتې نور هېوادوالو ته وېشل شوي دي.
نوموړي ډاډ ورکړی، چې د اوږدمهاله کاري فرصتونو د رامنځته کولو او د بې کارۍ د کچې د ټيټولو په موخه یاد وزارت په ټول هېواد کې د فني او حرفوي زده کړو مرکزونه فعاله کړي دي.