د عامې روغتیا وزارت وايي، پرو سږکال یې په وزیر اکبرخان روغتون کې نږدې ۴۹۵۵۳ جراحي عملیاتو کړي دي.
له یاد وزارت څخه په خپره شوې خبرپاڼه کې ویل شوي، په وزیر اکبرخان ملي او تخصصي روغتون کې نږدې ۴۹۵۵۳ وړیا جراحي عملیاتونه کړي دي.: «په یادو جراحي عملیاتونو کې ۱۰ زره اته سوه درې ستر او ۳۸ زره اووه سوه پنځوس کوچني جراحي عملیاتونه شامل وو، چې د افغان مجربو او متخصصو ډاکټرانو پر مټ په کامیابه توگه او وړیا ډول سره شوي دي.»
په خبرپاڼه کې ویل شوي، په دغه روغتون کې همداراز ۲۲۳ زره څلور سوه یو اتیا ناروغانو ته په وړیا توگه سراپا (OPD)، ۱۰۵ زره پينځه سوه اویا ناروغانو ته اُرتوپیدي او ۱۴ زره پينځه سوه نهه دېرش تنو ته داخل بستر (IPD) خدمات وړاندې شوي دي.
که څه هم په هېواد کې د روغتونونو وضعیت ښه شوی او اوسمهال په کابل کې یو شمېر پېچلي عملیات هم کېږي؛ خو لا هم زرگونه افغانان بهرنیو هېوادونو ته د درملنې لپاره ځي.
د کابل په گډون د هېواد په گڼو ولایتونو کې د دولتي روغتونونو سربېره سلگونه خصوصي روغتونونه هم جوړ شوي او هره ورځ زرگونه ناروغانو ته خدمات وړاندې کوي.