د سي اېن اېن خبري شبکې د راپور له مخې پرون سه شنبه د سويډن هېواد د اوريبرو ښار په يوه ثانوي ښوونځي کې يوه ۳۵ کلن سړي چې هويت يې لا نه دی رسنيز شوی په ډزو لس کسان وژلي او ګڼ شمېر نور یې ټپيان کړي دي.
د سويډن صدراعظم اوليف کريسټرسن ژور خفګان څرګند کړی او دا پېښه یې په سويډن هېواد کې تر ټولو خونړۍ پیښه بللې ده.
د معلوماتو له مخې بريدګر په وسلو سمبال ښوونځي ته ننوتی لس کسان یې په ډزو وژلي او وروسته یې بيا ځان وژلی دی.
د يادونې ده چې په سويډن کې تر دې وړاندې په ۲۰۲۲ کال کې يوه زده کوونکي خپل دوه ښوونکي د چاقو په وسيله وژلي وو.