وروسته له هغه چې د سرپرست حکومت د مخالفو ډلو مشرانو خپل يو شمېر مهم شخصیتونه او لوړ پوړي ځواکونه د دغه حکومت پر وړاندې له لاسه ورکړي، هر کال د هغوی د وژنې د کالیزې په رارسېدو سره غونډې او ناستې جوړوي.
همدا راز په دې وروستیو ورځو کې «آزادۍ جبهې» په اتریش کې د ویانا په ښار کې د خپل یوه لوړپوړي قوماندان اکمل امیري او د هغه د ملګرو د وژنې د کالیزې په مناسبت یوه ناسته جوړه کړې ده.
خو د تأمل وړ خبره دا ده چې معامله ګر او واک غوښتونکي مشران د خپلو قوماندانانو په نوم او وینې تجارت کوي. دوی دومره واک ته د رسېدو په خیال کې غرق دي چې حتی د خپلو کسانو د وژنې له کالیزې هم د واکغوښتنې د کمپاینونو لپاره ګټه پورته کوي.
ځکه په دې غونډو کې هغه څه چې برجسته کېږي، نورو ته، هغې لارې ته بلنه ده چې اکمل امیري او ملګري يې دوه کاله مخکې په کې قرباني شول او اوس د همدې ډلو د تبلیغاتو او کمپاینونو بازار په همدې ډول ګرم دی.
دوی په داسې حال کې نور خلک د سرپرست حکومت پر وړاندې مخالفت ته رابولي چې د دوی خپل اولادونه او خپلوان په لوېدیځو هېوادونو کې په هوساینه او ارامي کې ژوند کوي؛ خو د قومي احساساتو او جاهلي تعصباتو په لمسولو سره هڅه کوي ځوانان غرو او درو ته ولېږي ترڅو یې د خپلو شومو موخو او خپل راتلونکي نسل لپاره قرباني کړي.
د افغانستان ملت او ځوانان باید پوه شي چې دا ناکام شخصیتونه هېڅکله د دوی خیر غوښتونکي نه وو او نه به وي. د دوی دروغجنې اوښکې او د خواخوږۍ غږ، ستاسو د غولولو او ستاسو د راتلونکي د ویجاړولو هڅه ده. د دوی موخه دا ده چې خلک د خپلو شخصي موخو لپاره په قربانۍ باندې عادت کړي او خپل اولادونه مشران او نور ملتونه د خپلو اولادونو سرتیري جوړ کړي؛ هغه څه چې موږ په تېرو شلو کلونو کې هم ولیدل.
دوی له هر فرصت او مناسبت، حتی د وژل شویو د فاتحې له مراسمو څخه هم استفاده کوي ترڅو تاسو د خپلو موخو قصابۍ ته ور واچوي. دا نه ستاسو د وژل شویو زړهدردونکي دي، نه د خلکو غمخواران؛ بلکې د خپل واک په فکر کې دي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.