د شر او فساد ډله چې ځان د طالبانو سر سخت مخالفین ګڼي، د طالبانو پر وړاندې یې تر دې مهاله یواځې رسنیزه تبلیغاتي جګړه روانه کړې ده؛ دوی عموماً د خپل مخالفت لپاره موخې لري.
۱: د طالبانو پر وړاندې مبارزه کوي او غواړي چې حاکم نظام وننګوي، د حکومت پر جوړښت، ماهیت، پرېکړو او اوسنیو تګلارو غیر سالمې نیوکې کوي او په وړاندې یې درېږي، ځکه د شریعت اصول او پرېکړې ورته د زغم وړ نه دي.
۲: د شر او فساد لارویان غواړي د طالبانو رژیم ړنګ کړي او پر ځای یې یو بې ثباته، ديموکراتيک، له نا امنۍ او ګډوډیو ډک نظام حاکم کړي، داسې چې د دوی شخصي ګټې پکې خوندي وي. دغه ډله د ولسي مشروعیت نه درلودلو له کبله نشي کولای داسې یوه چاره ترسره کړي، ځکه چې دوی ازمویل شوي دي.
برعکس د طالبانو رژیم بیا ځکه پایښت مومي، چې د مشروعیت مرجع یې اسلام دی او په ولس کې هم محبوبیت لري، خپلې چارې یې له ولس سره همغږي کړې دي او د هغوی د خیر او ښیګڼې لپاره یې چارې روانې کړې دي.
۳: د شر او فساد لارویان غواړي له افغانانو ازادي واخلي او حقونه یې تلف کړي، دوی چې همېش یې پردیو ته د افغانستان د اشغال بلنه ورکړې، اوس یې هم هڅه دا ده چې د افغانستان اشغال ته زمینه برابره کړي او استقلال له افغانانو واخلي.
۴: د شر او فساد لارویان په هېواد کې د سیاسي بېلابېلو ډلو او ټپلو د فعالیت لپاره زمینه سازي کوي، ترڅو ګډوډي رامنځته کړي، چور، غصب، وژنې او قتلونه یو ځل بیا ریښې وکړي او عام خلک د اوسني حاکمیت په ضد ودروي.
شر او فساد ته د یادو موخو د تطبیق په بدل کې یواځې او یواځې شخصي ګټې مهمې دي او د خوندي کولو لپاره یې کار کوي؛ دوی ته هیڅ اسلامي او ملي ګټې ارزښت نه لري.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.