د راپورونو له مخې، بېګا شپه اسلام اباد کې د وحید مراد په نوم مشهور پاکستانی خبریال له خپل کوره تښتول شوی او ويل کېږي تښتوونکو په دولتي موټرو کې، تور یونیفورم کې له وسلو سره ورغلي وو.
له بل لوري بيا د پاکستان مشهورو خبریالانو حامد میر، مطیع الله جان او نورو له بېګا راهیسې په حکومت سختې نیوکې کړي او وايي چې، ولې پاکستانی حکومت د خبریالانو ساتنه نه شي کولی.
ياد خبريالان همدا راز شک ښيي چې، دا کار د اسلام اباد پولیسو کړی دی.
ياده دې وي چې، تښتول شوي خبريال وحيد مراد د بلوڅو د حق غوښتونکې ډلې مشرې ماهرنګ بلوڅ د نيولو په غبرګون په پاکستاني حکومت توندې نيوکې کولې.