له شمالي وزیرستان څخه د هندوکش غږ سرچينې وايي چې پاکستاني طالبانو پرون ورځ له سهاره تر ماښامه د ياد ولايت د ګړيوم ولسوالۍ په شاوزې بودر سیمه کې د چاپې په نيت راغلو پوځي ملېشو سره درنه نښته کړې، چې په پايله کې یې درې تنه حکومتي پوځیان په هلاکت رسېدلي او ګڼ شمېر نور ټپیان شوي.
سرچينه همدا راز وايي، په دغه جګړه کې پاکستاني طالبانو ته کوم زيان نه دی اوښتی؛ خو د معمول په څېر پوځي ملېشو ملکي خلک او کورونه په نښه کړي، چې پر يوه کور د هاوان مرمۍ د لګېدو له امله يوه مېرمن شهیده او دوه ماشومان ټپیان شوي دي.