د پنجشیر ولایت د کلیو بیارغونې او پراختیا ریاست مسؤولین وایي، چې په دغه ولایت کې د څښاک اوبو رسولو د ۵۰ شبکو د جوړولو چارې پیل شوې دي.
د مسؤولینو په خبره دغه شبکې د نړیوال بانک په مالي ملاتړ د ۲.۱ میلیون ډالرو په ارزښت جوړېږي چې پرمټ به یې ۹ زره کورنیو ته د څښام اوبه برابرې شي.
مسؤولین زیاتوي چې دغه شبکې د یاد ولایت په شتل، عنابې، رخې، حصه اول، پریان او د پنجشېر ولایت په مرکز بازارک کې جوړېږي.
د يادونې وړ ده چې د اوبو رسولو له يادو شبکو څخه به ۹ زره کورنۍ، ۱۲۶ جوماتونه، ۶ کلينيکونه، ۲۴ ښوونځي او يوه مدرسه ګټه واخلي.