د کورنیو چارو وزارت وايي، د پکتیکا په اورگون ولسوالۍ کې یې بېلابېل ډوله نظامي تجهیرات او وسلې نیولې دي.
له یاد وزارت څخه په خپره شوې خبرپاڼه کې ویل شوي، د پکتیکا امنیه قومندانۍ د ترهگرۍ سره د مبارزې پولیسو د اورگون ولسوالۍ په اړوند سیمو کې یو میل کرهبین، څلور تومانچې، یو د شپې دوربین، سلگونه د کلاشینکوف او تومانچې مرمۍ، چریکي زينې او گڼشمېر برېښنایي نظامي وسایل کشف او تر لاسه کړي دي.
په خبرپاڼه کې نه دي ویل شوي، چې د یادو وسلو په تړاو څوک نیول شوي او کهنه او دغه وسلې اوسنۍ او که د پخوا څخه په یاده سیمه کې ځای پر ځای شوې وې.
نږدې دوه اوونۍ وړاندې د پکتیکا په برمل ولسوالۍ کې هم د ملي اردو سرتېرو ۲۱ میله کلاشینکوف، یو میل M4، درې میله روسي پیکا، ۹ قبضه راکټ، ۱ پایه زیکویک، ۱میل هاوان، ۱میل ۸۲ توپ، ۳۴ فیره د راکټ مرمۍ، ۸ فیره د هاوان مرمۍ، ۸ صندوق د زیکویک مرمۍ، ۹ قبضه لاسي بمونه، ۵ پایه مخابرې، ۲ قابه دروبین او ۲۴عدده چانټې نیولې وې.
له ډیورنډ فرضي کرښې په اوږدو کې وخت ناوخت د وسلو د نیول کېدو خبرونه خپرېږي؛ خو دا چې دغه وسلې څوک وړي تر اوسه په دې تړاو څوک علني محاکمه شو