د ملي دفاع وزارت وايي، د ۲۰۳ منصوري قول اردو د نهمې سرحدي لواء منسوبینو د یو لړ راپورونو پر بنسټ د پکتیکا د اورگون ولسوالۍ اړوند سیمو کې څلور عرادې ملي بس ډوله موټرونه نیولي دي.
له یاد وزارت څخه په خپره شوې خبرپاڼه کې ویل شوي، یاد موټرونه له فتحې مخکې په یوه کې په ډېر مهارت سره ځای پر ځای شوي وو.
د پکتیکا په اورگون ولسوالۍ کې داسې مهال څلور عرادې ملي بس ډوله موټرونه نیول کېږي، چې تېره میاشت د پکتیکا په همدغه ولسوالۍ کې د ملي دفاع وزارت له لوري یو میل کرهبین، څلور تومانچې، یو د شپې دوربین، سلگونه د کلاشینکوف او تومانچې مرمۍ، چریکي زينې او گڼشمېر برېښنایي نظامي وسایل کشف او تر لاسه شوي وو.
نږدې دوې میاشتې وړاندې د پکتیکا په برمل ولسوالۍ کې هم د ۲۰۳ منصوري قول اردو اړوند د نهمې سرحدي لواء سرتېرو له لوري د وسلو یوه ډیپو کشف کړې وه، چې ۲۱ میله کلاشینکوف، یو میل M4، درې میله روسي پیکا، ۹ قبضه راکټ، ۱ پایه زیکویک، ۱میل هاوان، ۱میل ۸۲ توپ، ۳۴ فیره د راکټ مرمۍ، ۸ فیره د هاوان مرمۍ، ۸ صندوق د زیکویک مرمۍ، ۹ قبضه لاسي بمونه، ۵ پایه مخابرې، ۲ قابه دروبین او ۲۴عدده چانټې پکې شاملې وې.
په خبرپاڼه کې نه دي ویل شوي، چې د یادو موټرونو په تړاو څوک نیول شوي او کهنه.