په کابل کې د ایران سفیر علي رضا بیګدلي له یوې رسنۍ سره په مرکه کې ویلي، چې ایران د ګاونډیتوب د اصولو له مخې، هڅه کوي له افغانستان سره خپلې اړیکې په بېلابېلو برخو کې لا پراخې کړي.
بېګدلي د خبرو په دوام ویلي چې: «له افغانستان سره د ایران د اسلامي جمهوريت د اړیکو د پیاوړتیا لپاره، د دواړو هېوادونو د جګپوړو چارواکو د هوډ او ارادې سربېره، د ګاونډیتوب په چوکاټ کې، راتلونکی کال به د اړیکو په پیاوړتیا او په متقابلو ګټو کې یو بریالی کال وي.»