کابل کې د جنايي جرمونو د کشف رياست د جعلي سيمکارټونو د پلور په تور يو تن نيولی.

د کابل د جنايي جرمونو پر وړاندې د کشف رياست وايي ياد کس به د سيمکارت اخيستونکي په نوم دوه سيمکارتونه راجستر کول او له هغې وروسته به یې دویم سيمکارت خپله خرڅاوه.
د کابل جنايي جرمونو د کشف رياست مرستيال مولوي اميرالحق طيب وايي: ياد کس د سيمکارت د ثبت پر مهال له اخیستونکي په دوه ځايونو کې ګوتې لږولې او له هغه وروسته به یې يو سيمکارت اخيستونکي ته ورکاوه او بل به یې خپله اخيسته چې له کشف او راپور وروسته ونيول شو.
همدا رنګه ښاغلی طيب زياتوي چې مصطفی نومي مجرم په خپل جرم اعتراف کړی او وېلي یې دي چې د مخابراتي سيمکارتونو په پلور کې یې جعل کړی او جعلي سيمکارتونه یې په بازار کې په اته سوه افغانيو پلورل.
مجرم مصطفی په خپل جرم اعتراف کوي او وايي چې د مخابراتي شبکې غير مستقيم کارکوونکی دی او له څه مودې راهيسې یې په جعلي ډول ډېر سيمکارتونه پلورلي دي.
همدا رنګه يو بل تن چې نجيب الله نومېږي هم په کابل ښار کې نيول شوی چې له مخابراتي شبکو یې سيمکارتونه اخيستل او وروسته به ېې په خپل دوکان کې یې د زر افغانيو په بدل کې پلورل.
دا په داسې حال کې ده چې د مخابراتو وزرات او اترا ادارې له لوري ټولې مخابراتي شبکې په دې مکلفې شوي چې نا ثبت سيمکارتونه ثبت او نوي خرڅېدونکي سيمکارتونه هم په الکټرونیکي تذکره ثبت او راجسټر کړي.