مشهور اسرائيلي خبريال ارييل سيګل د صهيونيستي اسرائيلو او حماس غورځنګ ترمنځ د اوربند تړون ته په اشارې ويلي په غزه کې د حماس ځواکونو د لسګونه انځورونو څخه داسې ښکاري چې موږ د اکتوبر له اوومې راهيسې هېڅ نه دي کړي.
سيګل دغه راز ليکلي «حماس چې پرون کومه ننداره وړاندې کړې دا مطلب لري چې موږ تر اوسه هېڅ نه دي کړي، بلکې يواځې او يواځې مو خلک وژلي او ځايونه وران کړي، د حماس له انځورونو ښکاري چې دوی سره اصلا جګړه نه ده شوې او د دوی ماتول زموږ د وس خبره نه ده».
دې مشهور اسرائيلي خبريال دغه راز خپل حکومت ته د پېغور په شکل ليکلي چې د بريا او د حماس د له منځه وړلو هغه کيسې څه شوې؟ او تر کومه موږ رښتيا هم کامياب شو؟.
ياده دې وي چې چې د اسرائیلو د کابينې په ګډون ډېری مشهورو اسرائيلي څېرو حماس سره د اوربند په تړون توندې نيوکې کړي او دا یې د اسرائیلو او د صهيونيستي نظريې ښکاره ماته ګڼلې ده.