د (اسرائیل ۱۲) رسنۍ خبر ورکړی چې د صهیونیستي رژیم او حماس اسلامي غورځنګ استازي په اوربند سلا شوي او دواړو لوریو پر اوربند هوکړه کړې ده.
د معلوماتو له مخې صهیونیستي رژیم موافقه کړې چې د هوکړې د یوې برخې او فقرې په توګه به فلسطيني خوشې شوي بندیان بیا نه نیسي او په راتلونکي کې د حماس اسلامي غورځنګ مشران نه تعقیبوي.
د سرچینې د معلوماتو له مخې، په وروستيو ساعتونو کې یو شمېر هغه مسئلې چې د دواړو خواوو ترمنځ د اختلاف سبب شوي وو، حل شوي دي.
بل خوا حماس اسلامي غورځنګ له نړيوالو او امريکا څخه غوښتي چې صهیونیستي رژیم خپلو ژمنو ته وفادار پاتې کړي.