د رویټرز خبري اژانس د راپور له مخې د ټسلا کمپنۍ یو سایبرټرک موټر د امریکا په لاس ویګاس ایالت کې د ډونالډ ټرمپ د نړيوال هوټل مخې ته چاودنه کړې ده چې موټر چلوونکی وژل شوی او اووه تنه نور ټپیان دي.
رويټرز وايي د ټسلا کمپنۍ مشر ایلن ماسک بیا ویلي، دغه پېښه موټر پورې اړه نه لري او په خبره یې، «چې، چاودنه د اور لګېدو او یا هم په موټر کې د ځای پر ځای شویو چاودېدونکو توکو له امله رامنځته شوې ده».
د يادونې وړ ده چې تر دې وړاندې پرون ماښام په يوه بله پېښه کې د امریکا په نیو اورلینز ښار کې د دغه هېواد پخواني سرتېري د نوي کال د نمانځنې مراسمو ته په راټولو شويو خلکو موټر وخېژاوه چې لږ تر لږه ۱۵ تنه یې ووژل او ۳۰ نور یې ټپیان کړل.