د امریکا متحده ایالتونو کې آن د هغه هېواد ولسمشر خوندي نه دی، خو دوی تل نورو هېوادونو کې د امن او نا امنۍ په تړاو احصایې خپروي، نصیحتونه کوي، لارښوونې او تهدیدونه کوي چې د دوی دا ټولې چارې استخباراتي ستراتیژیک تکتیکونه دي، دا کارونه د دوی د روانې، سړې او فکري جګړې حربې دي؛ دوی غواړي په دې ډول حکومتونه تر خپل رعب او اغېز لاندې راولي او په وړاندې یې خپلې غوښتنې پرې ومني.
د یوې احصایې له مخې په اوسط ډول په خپله امریکا کې 139 د مرګ ژوبلې پېښې کیږي چې دغه احصایه په 2016 م کال د تروریزم په وړاندې د مطالعاتو د بنسټ (GTD) له لوري د امریکا د میریلینډ په پوهنتون کې شوې.
نن په یوه پېښه د امریکا پخوانی ولسمشر او اوس بیا ولسمشرۍ ته نوماند ډونالډ ټرمپ باندې وسلوال برید وشو، بریدګر غوښتل ټرمپ په سر وولي مګر مرمۍ د هغه په غوږ ولګېده او ټپي شو.
تردې پخوا د امریکا پنځه دیرشم ولسمشر جان کینډې هم په 1963م کال یو وسلوال برید کې ترور شو؛ تر ده وړاندې د امریکا شلم ولسمشر جیمزګارفیلډ 1881 م کال د یو امریکایي ځوان چې دنده کې نه مقررېده وویشتل شو.
د کینډې او فیلډ په شمول د امریکا ګڼ ولسمشران لکه ابراهام لینکن او ویلیم مک کینلي د وسلوالو بریدونو په ترڅ کې وژل شوي.
همدا ډول ډېر زیات یې له بریدونو روغ رمټ وتلي، خو پوښتنه دا ده چې دومره لویې پیښې امریکا کې ولې سطحي ګڼل کېږي او په نوره دنیا کې هرې وړې پیښې ته ډېر پراخ انعکاس ورکول کېږي؟لکه څنګه چې مخکې وویل شول امریکا د رواني او استخباراتي جګړو پر مټ له نورو دولتونو باج اخلي، دغه ډول پېښې نورو دولتونو ته داسې وي لکه زخمي ګوته او امریکا نور دولتونه له همدې زخمي ګوتې رانیسي او خپلې ناروا غوښتنې پرې مني.
ګنې امریکا د نړۍ تر ټولو هېوادونو نا امن او نا خوندي هېواد دی چې یوازې له شلو کلونو په کم عمره کسانو کابو 80% جنسي تېري کېږي؛ همدا ډول 20% له شلو کلونو پورته نران او ښځې د جنسي تېرېو قربانیان دي؛ د یوې څېړنې له مخې په هرو 64 ثانیو کې د جنسي تیري یوه قضیه واقع کېږي.
خو امریکا د نړۍ زورور او بدمعاش هېواد دی چې له دوی هیڅ د پوښتنې مرجع نشته، عام خلک یې لا څه چې آن د دوی ولسمشر ډونالډټرمپ باندې د امریکا د بربنډو فلمونو 44 کلنې فلمي ستورې (اسټوري ډینلز) باندې په 2006 کال کې جنسي تېری کړی و، د جزا بین المللي محکمه او د ملګرو ملتونو سازمان د دوی له رانیولو عاجزه دي.