کورنیو چارو وزارت وایي، د خوست امنیه قومندانۍ د ځاځي میدان ولسوالۍ پولیسو د یادې ولسوالۍ د داڼیو جبې کلي کې یو شمېر وسلې او مهمات نیولي دي.
د یاد وزارت په وینا، په نیول شویو وسلو او مهماتو کې دوه میله راکيټ، ۱۵ لاسي بمونه، ۱۱۰۰ د پيکا مرمۍ، دوه بکسې د دهشکې مرمۍ، ۲۴ د راکېټ مرمۍ او ۲۴ د راکېټ مرمیو پټاکۍ شاملې دي.
سرچینه زیاتوي، چې په دې تړاو پولیسو په اړونده سیمه کې درې کسان نیولي چې تر لومړنیو څېړنو وروسته به عدلي او قضایي بنسټونو ته وسپارل شي.