د کانونو او پټرولیم وزارت وايي، چې د امو سیند نفتي حوزه کې ۶ نوې څاګانې فعالې شوې دي، چې د دې څاګانو له فعالیدو سره د استخراج ورځنۍ کچه ۱۳۵۰ ټنو ته رسېدلې ده.
د یاد وزارت ویاند همایون افغان وایي، چې اوس د ټولو فعالو څاګانو شمېر ۲۴ ته لوړ شو، چې ورسره ورځنی استخراج هم له ۱۱۰۰ څخه ۱۳۵۰ ټنو ته رسېدلی دی.
نوموړی زیاتوي: ” د روان ۲۰۲۴ زیږدیز کال تر پایه پورې به ۲۳ نورې نوې څاګانې هم فعالې شي، چې ورسره به د استخراج ورځنۍ کچه ۳ زره ټنو ته لوړه شي”.
د یادونې وړ ده، چې امو سیند نفتي حوزه کې اوسمهال ۱۵۰۰ تنه هېوادوال په کار بوخت، چې نویو څاګانو فعالېدو سره به کاري فُرصتونه نور هم زیات شي.