انډیا ټریبیون ورځپاڼې راپور ورکړی، چې نوي ډیلي له کابل سره خپلې ډیپلوماټیکې اړیکې پراخې کړي او ممکن په راتلونکو څو میاشتو کې په دغه هېواد کې د افغانستان سفارت افغان حکومت ته وسپاري.
ورځپاڼې په خپل راپور کې دا هم ویلي، چې د شمالي ټلوالې د پخواني مشر احمد شاه مسعود زوی احمد مسعود کوښښ کوي، چې د افغان حکومت پر وړاندې مقاومت ته ادامه ورکړي؛ خو له کله چې اسلامي امارت پر افغانستان واک تر لاسه کړی، یاده ډله له منځه تللې ده.
انډیا ټریبیون ټینګار کړی، چې هند غواړي له طالبانو (اسلامي امارت) سره ډیپلوماتیکې اړیکې پراخې کړي؛ خو که نوي ډیلي کې د افغانستان سفارت اوسني افغان حکومت ته وسپاري، دا به د شمالي ټلوالي پاتې شونو ته توره ورځ وي.