د ایران بهرنیو چارو وزیر عباس عراقچي له خپل ترکي سیال هاکان فیدان سره په ټیلفوني خبرو کې د فلسطین خلکو جبري کوچېدلو په اړه د ټرمپ طرحې ته په اشارې د اسلامي همکاریو سازمان د بهرنیو چارو وزیرانو د بېړنۍ غونډې د رابللو غوښتنه کړې ده.
عراقچي له غزې تړانګې په اجباري ډول د فلسطینیانو ایستل فلسطین کې د نسل وژنې دوام بللی او د دې توطیې پر وړاندې یې د اسلامي هېوادونو له لوري د واحد دریځ په خپلولو ټینګار کړی دی.
له بل لوري بيا د ترکيې د بهرنيو چارو وزير هاکان فیدان هم دې ټیلفوني اړیکه کې د فلسطین خلکو له حقونو د اسلامي نړۍ د دایمي ملاتړ ټينګار کړی او د غزې په اړه یې د اسلامي همکاریو سازمان د بېړنۍ غونډې را بللو په اړه یې د ایران له وړاندیزه ملاتړ کړی.