د راپورنو له مخې ایران له روسیې څخه روسۍ سوخو 35 جنګي الوتکې ترلاسه کړې او د ايران د سپاه پاسداران د خاتم الانبياء د قرارګاه مرستيال علي شادماني رسماً له روسیې څخه د يادو الوتکو ترلاسه کول تاييد کړل.
د ايران او روسیې ترمنځ د دغو الوتکو اخیستو تړون څو کاله پخوا لاسلیک شوی و خو د لوېدیځ او اسرائیلو د مخالفت له امله عملي شوی نه و.
د يادونې ده چې د ايران او روسیې ترمنځ دوه اړخيزې همکارۍ تر بل هر وخت ډېرې شوي او په همدې لړ کې یې څو ورځې وړاندې د بېلابيلو همکاريو مهم شل کلن ستراتيژيک تړون هم لاسليک کړ.