مېډل اېسټ ايې رسنۍ د خپلو سرچينو له قوله راپور ورکړی، چې ایران له اسرائیلو سره د اوربند تر هوکړې وروسته د چین له خوا د ځمکې نه توغونکو هوايي دفاعي توغندیو «بټریو» ترلاسه کول پیل کړي دي.
يادې رسنۍ ته همدا راز د استخباراتي معلوماتو سره آشنا یو عرب چارواکي ویلي، چې د امریکا عرب متحدین د ایران له دې هڅو خبر دي، او سپینې ماڼۍ ته هم د ایران د پرمختګونو په اړه معلومات ورکړل شوي.
د سرچینو د معلوماتو له مخې، ایران خپل ویجاړ شوي دفاعي ظرفیتونه چې اسرائیلو له منځه وړي، بېرته رغوي او دا بټري له چین څخه د تېلو په بدل کې ترلاسه کوي.
چین د ایران د نفتو تر ټولو لوی واردوونکی هېواد دی او د امریکا د انرژۍ د معلوماتو ادارې په راپور کې ویلي چې د ايران شاوخوا ۹۰ سلنه د خامو نفتو صادرات چین ته ځي.