د راپورونو له مخې، د ایران د اټومي انرژۍ رئيس محمد اسلامي اعلان کړی چې، نن د ولسمشر مسعود پزشکيان په حضور کې د هېواد يو شمېر نوې اټومي لاسته راوړنې نندارې ته وړاندې شوې.
اسلامي په یوه ویډیويي پیغام کې ویلي، چې دا ستراتیژیکې او تخنیکي لاسته راوړنې د اټومي سون توکو د دورې، روغتیا او درملنې او صنعت په برخو کې دي، چې د خلکو په ژوند او ټولنیز صحت کې مهم رول لري.
نوموړي دا ورځ د ایران د اټومي ټکنالوژۍ د ملي ورځې په توګه هم یاده کړې ده.