د خیبر پښتونخوا له باجوړ ولسوالۍ څخه ځایي سرچینو هندوکشغږ ته وویل، چې څو شېبې وړاندې د یادې ولسوالۍ په لوی ماموند سیمه کې پاکستاني طالبانو د پوځ پر یوه موټر بمي چاودنه ترسره کړې، چې له امله یې موټر کې سپاره ټول پوځیان هلاک او ټپیان شوي دي.
سرچینې د هلاک شویو او ټپي شویو پوځیانو د کره شمېرې په اړه څه ندي ویلي، خو ټينګار یې کړی چې چاودنه خورا پیاوړې وه.
سرچینه زیاتوي، پاکستاني پوځیانو له چاودنې وروسته پر عامو خلکو بې دریغه ډزې کړي، چې له امله یې درې ماشومان ټپیان شوي دي.
یاده دې وي چې، نن سهار بلوچستان کې بلوڅ بېلتون پالو هم د پاکستاني پولیسو پر یوه بس بمي برید کړی چې له امله ۲۱ تنو ته مرګژوبله اوښتې دي.