په باکو کې د افغانستان سفارت سرپرست، محمد فیصل د اذربایجان د نفت او گازو دولتي شرکت (SOCAR) له مرستیال کنعان نجفوف سره کتلي.
په باکو کې د افغانستان سفارت وایي، دې کتنه کې د دوه اړخیزو سوداگریزو همکاریو پر پراختیا، د نفتي صادراتو پر زیاتوالي، ټرانسپورتي ستونزو او نورو اړوندو موضوعاتو خبرې شوې دي.
د اذربایجان د نفتو او ګازو دولتي شرکت مرستیال له افغانستان سره د نږدې همکاریو د پراختیا ډاډ ورکړی او هیله یې څرگنده کړې، چې ژر به افغانستان ته سفر وکړي.